Friday, April 17, 2009

ആകാശവീഥിയില്‍ ...

ഗാനരചന : വിജേഷ്‌ വിശ്വം
സംഗീതം: വിശ്വനാഥന്‍.
പശ്ചാത്തല സംഗീതം : ഹരി വേണുഗോപാല്‍.
ആലാപനം : ആന്‍ഡ്രിയ (ഇളയനിലാ ഫെയിം)






ആകാശവീഥിയില്‍ നിന്നുമേതോ
താരകം മണ്ണില്‍ വിരുന്നു വന്നൂ..
സ്വപ്നങ്ങളാല്‍ നാം തീര്‍ക്കുമീ പുല്‍ക്കൂട്ടില്‍
‍സ്നേഹത്തിന്‍ ദീപമായ്‌ മിന്നിനില്‍ക്കാന്‍
‍ദൈവസ്നേഹത്തില്‍ ദീപമായ്‌ തെളിഞ്ഞു നില്‍ക്കാന്‍

ആരൊരുമില്ലാത്ത ഞങ്ങളില്‍ സ്നേഹത്തില്‍
‍ആശ്വാസ വചനങ്ങളാകാന്‍
കൂരിരുള്‍ വീണൊരീ ജീവിതയാത്രയില്‍
ദിവ്യചൈതന്യമായ്‌ വഴിതെളിക്കാന്‍...

കുളിര്‍ മഞ്ഞുവീഴുന്ന പുലരിയില്‍ പുണ്യമായ്‌
പിറവി കൊണ്ടൂ നാഥന്‍ മണ്ണില്
‍ആ തിരുനാളിന്റെ ഓര്‍മ്മകള്‍ നിറയുമ്പോള്‍
‍പൈതലേ നിന്‍ മിഴി നനയരുതേ
എന്‍ പൈതലേ നിന്‍ മിഴിനനയരുതേ..